Jak pisać po ślōnsku:

Jak pisać po ślōnsku? Dyć żodyn nos tego niy uczōł! Prowda - na nauka pisanio we wielkich, ôficjalnych godkach mōmy cołkie lata, ciźba rechtorōw, kilogramy ksiōnżek i ćwiczyń. A nasza ślōnsko godka, co dopiyro niydowno prziszła ku tymu, coby sie jakoś czyńścij sama zapisować, tego wszyskigo niy mo. Durch ale idzie sie nauczyć czytać i pisać po ślōnsku, a tyn heft to je pōmoc w tym, coby to zrobić samymu. Znojdziesz sam wszysko, co je potrzebne: - nojważniyjsze prawidła - nojpopularniyjsze zwyki - wyklarowanie, co piszymy jednako, a co podug lokalnyj godki - ćwiczynia i plac do włosnyj roboty - przikłady tekstōw z roztōmajtych strōn Gōrnego Ślōnska. Naucz sie pisać po ślōnsku... To niy ma ciynżkie! (Z okładki).